வருடத்திற்கு ஒரு ரமழான் வருகிறது. முப்பதுநாட்கள் நோன்பு வைக்கிறோம். இறுதியாக
ஒருபெருநாள் தொழுகை. எல்லாம் முடிந்துவிட்டது இனி என்ன வேலை?
என்று மீண்டும் பழையநிலைக்குத்திரும்பவர்கள் நிறையப் பேர் நம்மிலேஉள்ளார்கள்.
இதற்குக் காரணம் என்னவெனில்ரமழானின்முக்கியத்துவம் தெரியவில்லை,
ரமழானை நாம் ஜெயிக்க வேண்டும் என்றஎண்ணம்நம்மில் பலருக்கு இல்லை.
ஆம் சகோதரர்களே! ரமழானிடம் நாம் ஜெயிக்க வேண்டாமா?
ஒவ்வொரு வருடமும் நம்மைத் தாண்டி செல்லும் புனித மிக்க ரமழானை நாம் சரியாகப் பயன்படுத்துவதே ரமழானை நாம் ஜெயித்துவிட்டோம் என்பதற்கான சரியான பதிலாக இருக்க முடியும்.
பொதுவாக நாம் ஒவ்வொரு வருட ரமழானிலும் செய்யும் காரியங்களை பட்டியல் போட்டுப் பாருங்கள். என்னெவெல்லாம் கடந்த ரமளானின் தினங்களில் செய்தோம் என்பதை நீங்களே சுய பரிசோதனை செய்து பார்த்துக்கொள்ள முடியும்.
அதிகாலை மூன்று மணிக்கு எழுந்து ஸஹர் உணவை நேர காலத்தோடு உண்டுவிட்டு அவசர அவசரமாக சென்று படுத்துறங்குகிறோம்/அல்லது தொலைக்காட்ச்சி நிகழ்ச்சிகளை பார்த்துகொண்டிருக்கிறோம் . அப்படியானால் சுப்ஹுத் தொழுகை ? அதன் கதி அதோ கதி தான்.
பகல் லுகர் தொழுகைக்கு முன் எழும்பி அதன் பின்னர் நம்முடைய மற்ற காரியங்களை செய்ய ஆரம்பிக்கிறோம் பெரும் பாலும் லுஹர், அசர், மஃரிப், இஷாவுடன் சேர்த்து இரவுத் தொழுகை என்று மற்ற தொழுகைகளை எப்படியோ தொழுது விடுகிறோம்.
அதிலும் சிலருக்கு லுஹர் தொழுகை உண்டு அதன் பின் ஒரு தூக்கம் போட்டால் அசர் இல்லை. நோன்பு திறப்பதற்குத் தான் கண் விழிப்பார்கள்.
இஷா தொழுகையுடன் சேர்த்து இரவுத் தொழுகையையும் தொழுதுவிட்டு நிம்மதியாக கொஞ்ச நேரம் தூங்கி எழுந்தால் தூக்கத்தில் இருந்து நம்மை நாம் தற்காத்துக் கொள்ள முடியும் ஆனால் பெரும்பாலானவர்களின் நிலை அதுவன்று.
ரமழான் காலம் என்றால் இரவு முழுவதும் கூத்தும் கும்மாலமும் நிறைந்திருக்கும் கேரம் போர்டு கிளித்தட்டு இன்ன பிற தேவையற்ற வீண் கேளிக்கைகளின் இந்த புனிதமிக்க இரவை களித்துகொண்டிருப்பார்கள் பிறகு பகல் முழுவதும் ஊரே அடங்கிப் போகும் அளவுக்கு தூக்கத்தில் மூழ்கியிருக்கும்.
இன்னும் சிலரின் பகல் நேர இரவு நேர வேலையாக, பொழுது போக்கும் காரியமாக தொலைக்காட்சசி பார்த்தல்,சீட்டு விளையாடுதல் அக்கம்பக்கத்து வீட்டு பெண்கள் கூடி தேவையில்லாத வீண் பேச்சுக்களில் ஈடு பட்டு கொண்டிருப்பார்கள்.
அன்பான சகோதர சகோதரிகளே...
ரமழான் காலம் என்பது நமது வாழ்வை சரியாக அமைத்துக் கொள்வதற்கான ஒரு பயிற்சிக் களமாகும் அந்த பயிற்சிக் காலத்தை சரியாக நாம் பயன்படுத்த முனைய வேண்டும்.
அந்த அடிப்படையில் தொழுகையை சரியாக பேணுவதற்கு நாம் நம்மை பழக்கிக் கொள்வதற்கு ஒரு அரிய சந்தர்ப்பமாக அமைவது இந்த ரமழானுடைய காலம் சரியான நேரத்தில் ஜமாத்துடன் சேர்ந்து நாம் தொழுவதால் நமது வாழ்வை சரியாக வழப்படுத்திக்கொள்ள அது பெரிதும் உதவியாக இருக்கும்.
ஒரு நாளைக்கு குறைந்தது ஒரு “ஜுஸ்வு” ஓதினால் முப்பது நாட்களில் முழுக் குர்ஆனையும் ஓதி முடித்த நன்மையை நாம் பெற்றுவிட முடியும்.
கிடைக்கும் நேரங்களில் நமது உறவினர்களுக்கு இஸ்லாத்தைப் பற்றிய செய்திகளை எத்தி வைப்பதற்கு முனைய வேண்டும். அது காலை நேரமாக இருக்களாம் அல்லது இரவுத் தொழுகைக்குப் பின் கண்டவர்களுடன் அரட்டை அடித்துக் கொண்டிருப்பதை விடுத்து அந் நேரத்தில் உறவினர்களுக்கு, நண்பர்களுக்கு மார்க்கத்தின் முக்கியத்துவம் பற்றிய செய்திகளை நன்மையான காரியங்களை நாம் சொல்லிக் கொடுக்கும் போது அவர்களும் அதன் படி வாழ்வதற்கான சந்தர்ப்பத்தை நாம் ஏற்படுத்திக் கொடுத்த நன்மையை அடைந்து கொள்வோம்.
நண்பர்களுடன் மார்க்க விஷயங்களை மட்டும் பேச பழகிக்கொள்ள இந்த மாதத்தை தேர்தெடுக்கலாம் .
லைலத்துல் கத்ரு என்னும் புனித மிக்க இரவு நம்மை அடிய இருக்கிறது அந்த இரவில் இறை பேற்றை பெற்று கொள்ள வேண்டும் அதன் அடிப்படையில் நமதூரில் உள்ள சில பள்ளிகளில் இக்திகாப் இருக்க ஏற்பாடுகள் செய்யப்பட்டு வருகின்றன
இதன் அடிப்படையில் நாமும் அந்த நாட்களில் இஃதிகாப் இருந்து நன்மைகளை அடைந்துகொள்ள முயற்சிக்க வேண்டும்.
அன்பார்ந்த சகோதர சகோதரிகளே.. இந்த புனித மிக்க ரமலான் இன்னும் ஓரிரூ வாரங்களில் நம்மை விட்டு பிரியப்போகிறது அடுத்து வரும் காலங்களில் நாம் எங்கிருப்போம் என்று நம்மால் கூற இயலாது எனவே இந்த புனித மிக்க ரமலான் மாதத்தில் நல்ல பல அமல்கள் செய்து இறை பொருத்தத்துடன் வாழ எல்லாம் வல்ல ரஹ்மான் நம்மை ஆக்கி அருள் புரிய துஆ செய்ய வேண்டுகிறேன்
நன்றி : அதிரை எக்ஸ்பிரஸ்
