சொந்தமாக தொழில்செய்ய ஆசையா ?...

Assalamu alaikum

1. தெர்மாகோல் தயாரிப்பது

சமீபகாலத்தில் எந்தப் பொருளின் பயன்பாடு மிகவும் அதிகரித்திருக்கிறது என்று ஒரு சர்வே எடுத்தால், அந்தப் பட்டியலில் உள்ள முதல் பத்து பொருட்களில் ஒன்றாக நிச்சயம் தெர்மாகோல் இருக்கும். வீட்டுக்குத் தேவைப்படும் கண்ணாடிப் பொருட்களா? இல்லை,டிவி.யா? அல்லது ரெப்ரிஜிரேட்டர், வாஷிங்மெஷின் மாதிரியான எலெக்ட்ரானிக் அயிட்டமா? அத்தனை பொருட்களையும் பாதுகாப்பான முறையில் பேக்கிங் செய்வதற்கு அடிப்படைத் தேவையாக இருப்பது தெர்மாகோல். கட்டடங்களுக்கு 'ஃபால்ஸ் சீலிங்'அமைக்கவும் இந்த தெர்மாகோலைத்தான் பயன்படுத்துகிறார்கள். பால் வெண்மையாய் இருக்கும் இந்த தெர்மாகோலைத் தயாரிப்பது மிகவும் சுலபம்.

முதலீடு

குறைந்தபட்சம் 15 லட்சம் முதல் 50 லட்சம் ரூபாய் வரை.

ஆள்பலம்

15 பேர்.

மூலப் பொருட்கள்

பெட்ரோலியப் பொருளான எக்ஸ்பான்டபிள் பாலிஷ் ஸ்டிரெயினிங்.

இயந்திரங்கள்

பாய்லர், ப்ரீ ஃபாமர், ஸ்டீமர், கம்ப்ரசர், கட்டிங் மெஷின் போன்ற இயந்திரங்கள்தேவைப்படுகின்றன. பாய்லர் ஒன்றின் விலை சுமார் ரூ.4 லட்சம், ப்ரீ ஃபாமர் 2 லட்சம்ரூபாய், கம்ப்ரசர் 1.5 லட்சம் ரூபாய், கட்டிங் மெஷின் 70 முதல் 80 ஆயிரம் ரூபாய்.

இயந்திரங்கள் கிடைக்கும் இடம்

இந்தியாவில் மும்பையில் இத்தொழிலுக்கான எல்லா வகை இயந்திரங்களும் கிடைக்கின்றன.

செய்யும் முறை

மூலப்பொருளான எக்ஸ்பான்டபிள் பாலிஷ் ஸ்டிரெயினிங்கின் விலை ஒரு கிலோ 93ரூபாய் ஆகிறது. அதனைக் கொண்டு 900 கிராம் கிரான்யூல்ஸ் எனப்படும் தெர்மாகோல்உருண்டைகளைத் தயாரிக்கலாம். மூலப்பொருளை முதலில் பாய்லரில் போட்டுசூடாக்குகிறார்கள்.

அது வெந்தபிறகு சிறு உருண்டைகளாக வெளியே வருகிறது. அதனை பாலிமர், ஸ்டீமர்,கம்ப்ரஸர் என அடுத்தடுத்த மெஷின்களில் போட்டு இன்னும் பெரிதான உருண்டையாகமாற்றுகிறார்கள். இந்த தெர்மாகோல் உருண்டைகளைத்தான் கிரான்யூல்ஸ் என்றுசொல்கிறார்கள். இதனை ஷீட்டாகவோ அல்லது மோல்டிங் செய்து நமக்குத் தேவையானவடிவத்துக்கோ மாற்றிக் கொள்ளலாம்.

வாகனம்

உள்ளூரில் டெலிவரி செய்ய வாகனங்கள் இருந்தால் வாடிக்கையாளர்களை சுலபமாகசென்றடையலாம்.

இடம்

தெர்மாகோல் தயாரிப்பு யூனிட் ஆரம்பிக்க சுமார் 25 சென்ட் இடம் தேவை.

ரிஸ்க்

நெருப்புதான் இந்த தொழிலின் முதல் எதிரி. பஞ்சு போன்று இருப்பதால் தெர்மாகோல்எளிதில் தீப்பற்றிக் கொள்ளும். எனவே நெருப்பிலிருந்து பாதுகாத்து கொள்ளத் தேவையானமுன்னேற்பாடுகளை அவசியம் செய்ய வேண்டும்.

இன்ஷூரன்ஸ்

தீ விபத்து ஏற்பட அதிக வாய்ப்புகள் இருப்பதால் அதற்கான இன்ஷூரன்ஸ் அவசியம்வேண்டும்.

மார்க்கெட்

இந்த பிஸினஸில் ஈடுபட்டிருப்பவர்கள் குறைவு. ஆனால் இதற்கான மார்க்கெட் அதிகளவில்உள்ளது.

லாபம்

சுமார் 40 சதவிகிதம் அளவுக்கு லாபம் பார்க்கலாம்.

எக்ஸ்ட்ரா வாய்ப்பு

இதன் வேஸ்டேஜ்களை மீண்டும் ரீசைக்ளிங் செய்து பயன்படுத்தலாம்.

2. நோட்டுப் புத்தகம் பள்ளி, கல்லூரியில் படிக்கும் மாணவ, மாணவிகளுக்கு இன்றியமையாத விஷயம் நோட்டுப் புத்தகம். அந்தக் காலத்திலிருந்து இந்தக் காலம் வரை நோட்டுப் புத்தக பிஸினஸ் கொஞ்சமும் குறையாமல் கொடிகட்டிப் பறந்துகொண்டுதான் இருக்கிறது. கம்ப்யூட்டர் புழக்கம் அதிகமான பிறகு, அதுநாள்வரை அழுதுவடிந்துகொண்டிருந்த அட்டையின் தோற்றங்களில் பளிச் மாற்றம் வந்துவிட்டது. இதையடுத்து அட்டைப் படங்களில் கொஞ்சம் கிரியேட்டிவிட்டியைக் காண்பித்தால் போதும், நிச்சயமாக நன்றாக மார்க்கெட் பண்ணிவிடலாம் என்ற வாய்ப்பு ஏற்பட்டிருக்கிறது. குறிப்பாக குழந்தைகளைக் கவரும் வண்ணப் படங்களை இடம்பெறச் செய்து தயாரித்தால் நல்லபிஸினஸ் வாய்ப்புதான் இது. முதலீடு குறைந்தபட்சம் 20 லட்சம் ரூபாய். ஆள்பலம் சுமார் 12 பேர். மூலப் பொருட்கள் பேப்பர், அட்டை, டலிகோ (talico) (மெல்லிய துணி), பசை. இயந்திரங்கள் காகிதத்தில் கோடு போடும் இயந்திரம் (பேப்பர் ரூலிங் மெஷின்) - 1 லட்சம் ரூபாய் கட்டிங் மெஷின் - 1 லட்சம் ரூபாய் தையல் போடும் இயந்திரம் - 7 லட்சம் ரூபாய். இயந்திரங்கள் கிடைக்கும் இடங்கள் பெங்களூரு, கோயம்புத்தூர், மதுரை. இடம் 2,000 சதுர அடியில் ஒரு யூனிட் தொடங்கலாம். லாபம் ஒரு நோட்டுக்கு 50 பைசா வரை லாபம் கிடைக்கும். மார்க்கெட்டிங் பள்ளிக் குழந்தைகளை மையமாக வைத்து செயல்படுவது நல்லது. எக்ஸ்ட்ரா வாய்ப்பு அக்கவுன்ட்ஸ் புக், பில் புக், லெட்டர் பேட் ஆகியவை கூடுதலாகத் தயாரிக்கலாம். ரிஸ்க் இந்தத் தொழிலில் ரிஸ்க் என்றால் அது தீ மற்றும் கரையான். பேப்பர்களை ஸ்டோர்செய்து வைத்திருக்கும்போது கரையான் வர வாய்ப்பு உள்ளது. அதற்குத் தகுந்தாற்போல்பாதுகாப்பு ஏற்பாடுகளை மேற்கொள்ள வேண்டும். ஆண்டு முழுக்க சம்பாத்தியம்! ''இந்தத் தொழிலில் ஐந்து ஆண்டுகளாக ஈடுபட்டுள்ளேன். பள்ளி துவங்கும் மாதங்களில் அதிகமான ஆர்டர்கள் வரும். எனவே அதற்கு முன்பே, டிசம்பர்மாதத்திலேயே மூலப் பொருளான பேப்பரை தேவையான அளவு வாங்கி வைத்துவிட வேண்டும். மார்ச், ஏப்ரல், மே மாதங்களில் நோட்டுக்களைத் தயாரித்து ஸ்டாக் செய்துவிட வேண்டும். பள்ளிகளில் மொத்த ஆர்டர்களை எடுத்தால் நீங்கள் ஒரே இடத்தில் நிறைய நோட்டுக்களை விற்கலாம். பள்ளிகளுக்குப் பக்கத்தில் இருக்கும் ஸ்டேஷனரி கடைகளிலும் நோட்டுக்களை விற்கலாம். மற்ற நாட்களில் அக்கவுன்ட் புக், பில் புக் போன்றவை கூடுதல் வாய்ப்புகளாக வந்து சேரும். இந்த பிஸினஸில் ஆள் பற்றாக்குறை அதிகமாக உள்ளது. தவிர, அடிக்கடி கரன்ட் போவதும் பெரிய பிரச்னை. மற்றபடி ஆண்டு முழுக்க வேலை தரும் பிஸினஸ்இது''

ஆக்கம் : அஹ்மத்