ராம்குமார் பிரேத பரிசோதனைக்கு உயர்நீதிமன்றம் தொடர்ந்து தடை விதித்துள்ளது. ராம்குமார் தந்தை பரமசிவம் தொடர்ந்த வழக்கை விசாரித்த நீதிபதிகள் உடற்கூறுக்கு தடைவிதித்தனர். ஏற்கனவே 4 அரசு மருத்துவர்கள் உடற்கூறு ஆய்வுக்கு நியமிக்கப்பட்டிருந்தனர். ஆனால் 5-வதாக தனியார் மருத்துவர் ஒருவரை உடற்கூறு ஆய்வுக்கு நியமிக்க பரமசிவம் மனுவில் கோரிக்கை விடுத்துள்ளார்.
நீதிபதிகள் ரமேஷ், வைத்தியநாதன் அமர்வு வழக்கை விசாரித்தது. தனியார் மருத்துவர் நியமிக்கலாம் என்ற நீதிபதி ரமேஷ் கருத்தை மற்றொரு நீதிபதி ஏற்கவில்லை. இதனால் 3-வதாக ஒரு நீதிபதியை நியமித்து முடிவு செய்யலாம் என உயர்நீதிமன்ற அமர்வு கருத்து தெரிவித்துள்ளது. இறுதிமுடிவு வரும் வரை ராம்குமார் உடற்கூறு ஆய்வுக்கு நீதிபதிகள் தடை விதித்துள்ளனர். புழல் சிறையில் இறந்த ராம்குமாரின் உடல் சென்னை ராயப்பேட்டை மருத்துவமனையில் வைக்கப்பட்டது.
