உன் தாய் மசக்கையில்...

மசக்கையில்,

நாற்றமும் குமட்டி;

துர்நாற்றமும் குமட்டி;

பேச்சு சப்தங்கள்

சங்கடமாய்;

முகச் சுளிப்புச்

சாதாரணமாய்;

புரியாத எரிச்சல்

என்னைத் தொற்றிக்கொள்ள;

புரிந்திருக்கும் எனக்கு

காரணம் நீதான் என்று!

முட்டிவிட்டு;

என் வயிற்றை

முட்டிக்கொண்டு – நீ

எட்டி உதைப்பதைத்

தொட்டுப்பார்த்து – என்

ரோமங்கள் எழுந்து

ஆர்பரிக்கும்;

சிலிர்த்தச் செல்கள்

அடங்க மறுக்கும்!

எதை உண்டாலும்;

எதிர்த்துத் தள்ளும்

குடலை வார்த்தையால்

சலித்துவிட்டு;

மீண்டும் உனக்காக

உண்பேன்!

முழுவதாய் உனைப்

பெறும் போது;

முழு மயக்கத்தில்

இருப்பேனோ –இல்லை;

அரை மயக்கத்தில் கிடப்பேனோ;

படாதப் பாடுப்படுத்தும்

உனைச் செல்லமாய் கிள்ளி;

சன்னமாய் சிரிக்கக்

காத்திருக்கும் உன் தாய்!


தலைப்புத் தந்தவர்:

RIFASA & YASHAR

South Eastern University of Sri Lanka

Faculty of Applied Science