குழந்தை நலமடைய துஆ வேண்டி வந்த மின் அஞ்சல் ...

அன்பார்ந்த சகோதர சகோதரிகளே,

அஸ்ஸலாமு அழைக்கும்.

மருத்துவ மனையில் இருக்கும் குழந்தை நலமடைய துவா செய்யவும்

என்னுடைய தம்பிக்கு பெண் குழந்தை பிறந்து ஒரு மாதம் ஆகிறது. பிறக்கும் போதே இருதய வாழ்வில் பிரச்னை இருந்தது. மருத்துவர்கள் இபொழுது அறுவை சிகிச்சை தேவை இல்லை ஒரு வயதுக்கு பிறகு பார்த்து கொள்ளலாம் என்று சொல்லிவிட்டார்கள்.

இப்பொழுது சளி அதிகமாக சேர்ந்து குழந்தை மூச்சு விட கஷ்டபடுகிறது. குழந்தையை ஒரு வாரமாக மதுரை வடமலையான் ஹோச்பிடலில் ICU வில் வைத்து பார்த்து வருகிறோம். மருத்துவர்கள் கொஞ்சம் கொஞ்சமாக தான் முன்னேற்றம் அடைவதாக சொல்கிறார்கள்.

குழந்தை விரைவில் குணமடைய சகோதரர்கள் அனைவரும் எல்லாம்வல்ல அல்லாவிடம் துவா செய்யுமாறு வேண்டி கொள்கிறேன்.

அன்புடன்,

சுல்தான் - அருப்புகோட்டையில் இருந்து

இந்த பிஞ்சி குழந்தைக்காக துஆ கேளுங்கள் துன்பத்திற்குள்ளான நிலையிலும் கவலையிலும் இருக்கும் அல்லாஹ்வின் அடியான் ஒருவன் இந்த துஆவை கேட்டால் அவருடைய துஆ ஏற்றுக் கொள்ளப்படும்.

“யாஅல்லாஹ்! நிச்சயமாக நான் உனது அடிமை, உனது அடிமையின் மகன், மற்றும் உனது அடிமைப் பெண்ணின் மகன். எனது நெற்றிப்பிடி உன் கையில் உள்ளது. அதனை உனது சட்டத்தின்படி நீ செயல்படுத்துகிறாய். எனக்கு நீதமான தீர்ப்பு வழங்குகிறாய். உனக்கு நீயே சூட்டிக்கொண்ட, உனது வேதத்தில் நீ இறக்கியருளிய, உனது படைப்பினங்களில் ஒருவருக்கு (நபிக்கு) நீ கற்றுக் கொடுத்த, உனது மறைவான ஞானத்தில் நீயே தேர்ந்தெடுத்துக் கொண்ட உன்னுடைய அனைத்துப் பெயர்களின் பொருட்டால் கேட்கிறேன். (இறைவா!) குர்ஆனை என் உள்ளத்தை பொலிவூட்டக் கூடியதாக, நெஞ்சின் ஒளியாக, கவலையை நீக்கக்கூடியதாக, துன்பத்தை போக்கக் கூடியதாக ஆக்குவாயாக!”(ஆமீன்)

மருத்துவ மனையில் இருக்கும் குழந்தை நலமடைய செய்வாயாக!" (ஆமீன்)

இந்த வார்த்தைகளடங்கிய துஆ ஏற்றுக்கொள்ளப்படும். அல்லாஹ் அவருடைய துயரங்களை நீக்கிவிட்டு அதற்குப் பகரமாக இன்பங்களையும் மகிழ்ச்சியையும் அளிப்பான். ஆதாரம்: அஹ்மத்

உயர்ந்தவனாகிய உங்களின் இரட்சகன் வெட்கமுள்ளவன், சங்கையானவன் அவனிடம் இரு கைகளையும் உயர்த்தினால் (பிரார்த்தித்தால்) அவ்விரண்டையும் வெறுமையாக திருப்பி விட அவன் வெட்கப்படுகின்றான் என நபி (ஸல்) அவர்கள் கூறினார்கள். அறிவிப்பவர்: சல்மான் (ரலி)