நமதூரில் இன்று காலை உலக அமைதிக்கான இரண்டாம் ஆண்டு நெடுந்தூர ஓட்டப்போட்டி நடைபெற்றது.
விழா காதிர் முகைதீன் கல்லுரி அருகிலிருந்து சகோ. முகமது இப்ராகிம் அவர்களின் சிறிய உரையுடன் துவங்கி நமதூரில் உள்ள முக்கிய தெருவீதிகளின் வழியே சென்று அதிரை பேருந்து நிலையத்தில் அமைக்கப்ட்டிருந்த விழா மேடையை நோக்கி அடைந்தது.
இந்நிகழ்ச்சியில் பேருராட்சி தலைவர் சகோ. அஸ்லாம், சகோ.அப்துல் அஜிஸ், பைத்துல்மால் நிர்வாகி சகோ. மாலிக், காவல்துறை அதிகாரிகள் மற்றும் பல்வேறு சமூக நல ஆர்வலர்கள், விளையாட்டு போட்டிகளை ஊக்குவிக்கும் நண்பர்கள், ஏராளமான பெறியோர்கள் என பல்வேறு தரப்பினரும் கலந்து கொண்டு இவ்விழாவினை சிறப்பித்தனர்.
இப்போட்டியில் பெரும்பாலும் சிறுவர்கள், வாலிபர்கள் கலந்து கொண்டனர்.
மேலும் நமதூரைச்சேர்ந்த நண்பர்களால் போட்டிக்கான பரிசுத்தொகையும், பாக்கெட்டுகளில் நிரப்பப்பட்ட தண்ணிர் ,போட்டிக்கான சீருடைகள் மற்றும் ஏராளமான சிறப்பு பரிசுகளுக்கும் ஏற்பாடு செய்யப்பட்டிருந்தது.
இவ்விழாவில் டிரம்செட் வாத்தியங்களும், வெடிகளும் வெடித்து மகிழ்ந்தனர்.
இந்நிகழ்ச்சிக்கு அதிரை பைத்துல்மால், த.மு.மு.க, மற்றும் அரசு 108 சார்பாக ‘ஆம்புலன்ஸ் “ வாகனங்கள் ஏற்பாடு செய்யப்பட்டிருந்தது.
இந்நிகழ்ச்சிக்கு அதிரை ஸ்போர்ட்ஸ் கிளப் சார்பாக அதன் நிர்வாகிகளால் ஏற்பாடு செய்யப்பட்டிருந்தது.
