அஸ்ஸலாமு அலைக்கும்...
கட்டிப்பிடித்தச் சொந்தங்களை
இறுதியாகத் தொட்டுவிட்டு;
ஆமை வேகத்தில்
விமான நிலையத்தில்
ஆசைத் தீர என் தேசத்தில்
நடந்துவிட்டு;
அந்நியத் தேசமான
அமீரகத்தில் அமைதியாக!
காக்கா உறவும்
நானாவும் காதோடு
ரீங்காரமிட;
ஒட்டுமொத்தத்
தமிழகத்தை ஓரளவிற்கு
ஒளித்திருக்கும்;
ஒய்யார நிறுவனத்தில்;
புத்தம் புதுச் சொந்தங்களுடன்
இங்கே!
படித்தவரும் படிக்காதவரும்;
பணி என்ற ஒற்றை நூலில்
கட்டப்பட்டு;
புரியாத நட்பிற்கு கட்டுப்பட்டு!
கற்கை முடித்து இங்கேக்
கற்றுக்கொண்டவர் பலர்;
கற்கையில் கூடக்
கரும்பலகைக் காணாமல்
உயர்ந்தவர்களும் பலர்!
ஊரில் இருந்து திரும்பும்
சக ஊழியரிடம்;
உரிமையுடன்
திண்பண்டம் கேட்டு;
கொடுத்தால்
நொறுக்கித் தீனியை மென்று;
கொடுக்காவிடில்
கோபத்தால் கொன்று;
உறவுகள் சிலிர்க்கும்;
புன்னகைத் தெறிக்கும்!
ஆக்கம் : - யாசர் அரஃபாத்
