சத்தியமார்க்கம்

இறைத்தந்த அருள்மறையுண்டு;

அதில் அருமருந்து உண்டு;

இறை நபி வழிமுறைக்கொண்டு;

வாழ்விற்கு அழகான நெறிமுறையுண்டு!

வன்மைக்கொண்ட உள்ளமும்

மென்மைக் கொண்டுச் சூழும்;

வெண்மைக் கொடிப்பூக்கும்;

இஸ்லாம் என்றால் மணக்கும்!

கறை மிகுந்தச் சிந்தைக்கு;

திரையிட்டுத் தடையிட்ட மார்க்கம்

தீவிரவாதத்தைத் திறந்திடுமா;

தீவிரமாய் நீ சிந்திக்க வேண்டாமா!

கருணைப் பொழிவதை நன்மை

கணக்கில் சேர்க்கும் சத்தியமார்க்கம்

முரணாகுமா - இல்லை

மனிதக்குலத்திற்கு அரணாகுமா;

இவை உனக்கு புரிந்திட வேண்டாமா!

ஆக்கம் :- யாசர் அரஃபாத்