குழந்தைகளுடன் சுற்றுலா பயணத்தில் குழந்தைகளாக பாத்ரூம் போகணும் என்று கேட்கும் வரை வைத்துக் கொள்ளாமல் நீங்கள் அவ்வப்போது அவர்களை பாத்ரூமிற்கு அழைத்துப் போக வேண்டும். வரவில்லையென்றால் கட்டாயப்படுத்தாமல் அரை மணி நேரம் கழித்துக் கேளுங்கள். மாற்றுடை கைவசம் எப்போதும் இருக்க வேண்டும். தண்ணீர் குடிக்கையில் சட்டை ஈரம் ஆனாலோ உடனே மாற்றிவிட்டு ஈரத்தை உலர வைக்க வேண்டும். அதே போல் உள்ளாடைகள் இரண்டாவது எக்ஸ்ட்ரா வேண்டும்.ப்ளாஸ்டிக் கவர் இரண்டு மூன்று வைத்துக் கொள்ள வேண்டும்.
டிராவல் மெடிசன்ஸ் என்று குடும்ப வைத்தியரிடம், குழந்தைகளுக்காக கேட்டு வாங்கி வைத்துக் கொள்ளவும். (ஜுரம், இருமல், டயரியா, ...பாண்ட் எயிட்..) அதை ஹோட்டல் ரூமில் வைத்து விடாமல் நீங்கள் வெளியே டூர் போகும் போது எடுத்துக் கொள்ளவும்.
குழந்தைகள் உங்கள் கண் பார்வையிலேயே இருக்க வேண்டும்.
எல்லாவற்றிற்கும் ஒரு ஆல்டர்னேடிவ் வைத்துக் கொள்ளவும். எதிர்பாராதவிதமாக நாம் போகும் இடம் மூடியிருக்கலாம், அப்போது நாம் பெரிசாக அலட்டிக் கொள்ளாமல் குழந்தைகளிடம் எடுத்து கூறி வேறு ஏதாவது இடத்தைச் சுற்றிப் பார்க்க அழைத்து செல்லவேண்டும்.
குழந்தைகளுக்கு நாம் பொறுமையாக ஆர்வமூட்டும் வகையில் நமக்குத் தெரிந்தவற்றை விளக்க வேண்டும். அவர்கள் ஏதாவது புதுமையான கேள்வி கேட்டால் விசாரித்துக் கூட பதில் கூறலாம்.
எல்லா இடமும் சுற்றி விட்டு மாலை, இரவு வீடு அல்லது ஹோட்டலுக்குத் திரும்பும் போது அசதி ஆளை அடித்துப் போடும். அப்படியே தூங்கி விடாதீர்கள். நீங்களும் சரி, குழந்தைகளும் சரி ஒரு குளியல் போட்டு விடுங்கள். காலை மாலை இருவேளையும் குளித்தால் புத்துணர்ச்சியைத் தரும். மறுநாள் சுறுசுறுப்பாக இருப்பதை உணர்வீர்கள்.
